Akte vetëposhtërimi të peng Bashës, i ka cilësuar ish-kryeministri Sali Berisha, vendimin e fundit të Lulzim Bashës, i cili përjashtoi nga Grupi Parlamentar 11 deputetë të PD-së, duke njoftuar me anë të një shkrese edhe Kuvendin e Shqipërisë.
Berisha tha se Basha është një peng i pashpresë, ndërsa u shpreh se ai zbatoi atë që i tha Taulant Balla dhe Edi Rama.
“Peng-Basha kreu një veprim që ia dha Edi Rama me Taulant Ballën se tani Taulanti merret me të.
E vërtetë, po të doni, shihni faktet.
Por, ligji i Parlamentit e ka të përcaktuar se kush zgjedh kryetarin.
Nuk ekziston përjashtimi në rregulloren e Parlamentit. Grupi parlamentar është i dorëzuar në KQZ një muaj pas zgjedhjeve.
Veprimet e peng-Bashës janë akte vetëposhtërimi që i imponohen atij dhe dëshmojnë se është një peng i pashpresë.
Në historinë politike të Shqipërisë, askush nuk ka shkelmuar mbi dinjitetin e vet siç ka shkelmuar ky njeri.
Por është zgjedhja e tij. Fajin e ka vetë!”, tha Berisha.
Discussion about this post