Ish-kryeministri Sali Berisha, i cili drejton PD e rithemelimit, në studion e Syri Tv, tha se në 14 maj koalicioni me Ilir Metën mori 500 mijë vota, të cilat janë votat e qytetarëve idealistë.
Berisha tha se në 14 maj ka pasur një deformim të votave si rezultat i presioneve, blerjes së votave nga Qeveria, shantazhimit të zgjedhësve, angazhimit të bandave në mbështetje të kandidatëve të Edi Ramës.
Ish-Kryeministri deklaroi se vëzhguesit ndërkombëtarë do të evidentojnë problematikën që u vu re në zgjedhje.
Berisha tha se më shumë se gjysmës së atyre që votuan Kryeministri i çoi zarfat me lekë, bonuset apo rritjen e rrogave, duke i garantuar kështu 800 mijë vota pro tij.
Ai tha se dëshmia më e fortë për blerjen e votave është rritja e partisë së Tom Doshit nga 27 mijë vota 86 mijë vota.
“U blenë nën dorë me para krimi dhe para të qeverisë, votat. Dëshmia më flagrante e kësaj është partia e Doshit e cila nga 27 mijë vota shkoi në 86 mijë vota, u rrit 310%. Jashtë çdo lloj dyshimi se blerës absolut më i madh është Edi Rama. Partitë janë lojtarë, por zgjedhjet janë për qytetarët dhe shoqërinë. Ky agresion që iu bë qytetarëve në këtë fushatë, është më i egri që mund të jetë bërë ndonjëherë ndaj votës së tyre të lirë”, tha Berisha.
Discussion about this post