Kryedemokrati, Sali Berisha, i ka bërë thirrje organeve të drejtësisë, t’i bllokojnë pasaportën ish-ministrit Ilir Beqaj,i vënë nën hetim nga SPAK për koncesionet në Shëndetësi, pasi ai mund të gjejë si rrugëzgjidhje për të shpëtuar, arratisjen nga vendi, të njëjtën që gjeti ish-Zv.Kryeministri Arben Ahmetaj.
Berisha ka publikuar dëshmi se kompanisë së Ilir Beqajt po i paguhen këto ditë hetimesh me nxitim të madh nga institucione shtetërore, shumë të mëdha gati 500 milionë për tre ditë, që ngrenë dyshime të forta.
Ndaj Berisha shkruan: “Rama po e përcjell Beqajn tek Ahmetaj. I bëj thirrje gjykatës t’i bllokojë pasaportën. Lexoni denoncimin e qytetarit dixhital”.
“Përshëndetje Doktor!
Kompania e Ilir Beqajt, INTECH plus shpk, nga 2015 deri 2023 ka fituar 10 miliardë lekë. Ndërkohë këto ditë, AKSHI është në alarm për Ilir Beqjan, sepse nga data 7 gusht deri 10 gusht është përqendruar vetëm të paguajë Intech plus, pra kompaninë e Beqajt.
Në këto data kreu 20 transaksione me vlere totale 469 milionë lekë për 3 ditë rresht.
Me sa duket Beqja do t’ia mbathë. Detajet i gjeni në infon bashkëlidhur.”
Discussion about this post