Kreu i PD Sali Berisha ka dalë nga selia e Partisë Demokratike.
Ai pritej aty nga shumë qytetarë, që po prisnin liderin e PD-së. Berisha ka nisur tashmë marshimin drejt Kryeministrisë.
Lideri demokrat po ndiqet nga turma, ndërsa pritet që të protestojnë para Kryeministrisë.
Protestuesit mbanin në duar pankarta, por edhe flamuj të Shteteve të Bashkuara të Amerikës dhe të Bashkimit Europian.
Teksa ecte me dy gishtat lart, Berisha shoqërohej nga ekipi i tij i sigurisë një mase e re e vendosur nga demokratët për shkak të incidentit të 6 Dhjetorit.
Në të njëjtën kohë ka dalë edhe kryetari i Partisë së Lirisë i cili po ashtu është nisur drejt bulevardit “Dëshmorët e Kombit”.
Kryetari i Partisë Demokratike, Sali Berisha ka zgjedhur 2 deputetë të PD-së që ta shoqërojnë në ecjen e tij nga selia blu drejt Kryeministrisë. Ndryshe nga herët e tjera, Berisha ka zgjedhur që të shoqërohet nga deputetët Luçiano Boçi dhe Oerd Bylykbashi.
Discussion about this post