Sali Berisha deklaron se bashkëshorti i Alketa Vejsiut, Ardi Nelaj, ndërton në mes të parkut të Tiranës, vetëm pse sponsorizoi detoksin 10 mijë euro të Ramës.
Në konferencën me gazetarët, Berisha tha se veç lejes për të ndërtuar në mes të pyllit të parkut të Tiranës, ai ka marrë disa leje të tjera ndërtimi, dhe për të gjitha këto afera kryeprokurori Altin Dumani, sipas kryedemokratit, hesht.
Berisha shton më tej se, natyrisht, Edi Rama do mbrojë Ajola Xoxën që blen një fustan 20 mijë euro, pasi ai vetë pi shishen e verës Romanee Conti 33 mijë euro.
“Unë e kuptoj tronditjen e socialistëve, e fansave të Erion Veliajt, sepse ata me të drejtë thonë se ky ka favorizuar një, dy, tre, katër, po Edi Rama ka favorizuar me dhjetëra.
A e dini që ajo Adelajda Roko është aty akoma? Drejtorja e urbanistikës kombëtare. Vëllezërit i ka në burg të dy, nuk ka rëndësi, se kodi është me Ramën. Shkatërroi çdo gjë ajo në sistemin e urbanistikës.
Paguhen në vendin e caktuar dhe Edi Rama shpërblehet. Mund ët ndodhë kjo? Ndrikulla, dy vëllezërit Roko eksponentë kryesorë të mafies së Elbasanit, kjo vazhdon zëvendësja e Edi Ramës për urbanistikën e Shqipërisë. Sepse i ka aferat me Edi Ramën.
Sepse Edi Rama, ndërtuesit të pallatit të Linda Ramës, i ka dhënë 100 milionë euro tendera, përveç lejeve të tjera kushedi.
Sepse sponsorizuesit të detoksit, bashkëshortit të Alketa Vejsiut, i ka lejuar ndërtimin në mes të pyllit të parkut të Tiranës dhe i ka dhënë me dhjetëra leje ndërtimi kudo nga jugu e kudo.
Ai paguan hotelin 10 mijë, po kur ia paguan një tjetër Arben Ahmetajt, kryqëzohet. Po t’ia paguash Ramës, Altin Zamani hesht, i gris.
Natyrisht Edi Rama do mbrojë Velicën sepse ajo blen një fustan ta zëmë 20 mijë euro, Rama shishen e verës Romanee Conti 33 mijë euro.
Këta nuk kanë asnjë lloj kufiri, asnjë normë, asnjë standard.”– tha Berisha.
Discussion about this post