Sekretari i Përgjithshëm i Partisë Demokratike Gazment Bardhi ka deri më tani nuk ka ndonjë kërkesë për mbledhjen e Kuvendit Kombëtar.
Në një intervistë për mesiat, Bardhi tha se ajo që ka thënë Basha është se nuk do të ketë një Kuvend Kombëtar ku do të diskutohen vendimet e qeverisë amerikane dhe se nuk duhet keqkuptuar.
“Ajo që ka thënë zoti Basha, për të mos u keqkuptuar, është që nuk do të ketë një Kuvend Kombëtar ku do të diskutohen vendimet e qeverisë amerikane. Kuvend Kombëtar Partia Demokratike ka pasur, ka dhe do të ketë sa herë që të ketë çështje statutore për të diskutuar. Pra nuk bëhet fjalë këtu për shkrirjen e Kuvendit Kombëtar.
Nuk dua të flas në parathënie për këtë çështje. Deri në momentin që flasim, si sekretar i përgjithshëm, nuk kam administruar asnjë kërkesë për mbledhje të Kuvendit Kombëtar. Cilido që kërkon mbledhjen e organeve të partisë duhet t’i drejtohet sekretarit të partisë, i cili ndjek hapat e nevojshme. Në rastin e Kuvendit Kombëtar do të duhet të ketë një vendim të kryesisë së partisë”- tha Bardhi.
Nga ana tjetër, ish-kryeministri Sali Berisha ka lajmëruar mbajtjen e Kuvendit Kombëtar të PD-së më 11 dhjetor. Basha është shprehur i prerë kur ka thënë se nuk do të lejojë ngritjen e institucioneve paralele në PD dhe se asnjëherë nuk do të diskutohen vendimet e SHBA-ve në një mbledhje të PD-së.
