Sali Berisha sot ka denoncuar me emër, atë që ai e quajti biznesmen pushteti. Bëhet fjalë për Amant Josifin, që sipas Berishës qëndron pas rrjetit të call centerave, ku janë mashtruar shumë qytetarë evropiane.
Sipas kreut të PD, ky biznesmen ka mbështetjen e Olsi Ramës. Po ashtu Berisha tregoi mekanizmin që kreu i qeverisë po përdor për tu bërë më i pasur se Alabbar.
“Këtu kam denoncuar vjedhjet që po bëhen me bitcoin. Këtu kanë zbarkuar policitë e vendeve të BE sepse rrjeti i call ceneterave i identifikuar tani të një biznesmeni që quhet Amant Josfi, biznesmen pushteti ai që ka mbulimin e plotë të Olsi Ramës, u ka vjedhur qytetarëve evropian 2.2 miliard euro. Duke i joshur, duke i mashtruar, blini bitcoin dhe vendoseni në këtë aplikacion se kompania jonë do ua vlerësojë 30% më shumë dhe ky bitcon kalon në kuletat e hajdutëve shqiptarë, konvertohet në lekë ose depozitohet në Emiratet e Bashkuara. Ky është një nga mekanizmat që Rama do t’ja kalojë edhe princit të Emirateve për pasuri. Alabbar është i pasur, por Rama në këtë mënyre do bëhet më i pasur se Alabbar”, theksoi Berisha.
Ish-kryeministri theksoi se nuk do te lejojne projektin e Portit te Durresit, ndersa u beri thirrje qytetareve, por edhe investitorëve te mos hedhin asnjë leke aty.
“Ne edhe njëherë garantojmë se këtë projekt nuk do ta lejojmë, u bëjmë thirrje shqiptarëve mos shpenzoni asnjë lekë në këtë zonë krimi. U bëj thirrje kompanive që mos bëhen ortakë në këtë vjedhje monstruozë. Çdo njeri që merr përsipër të investojë do i ketë paratë e humbura dhe do konsiderohet bashkëpunëtor në krim. Parlamenti mbrëmë ishte arenë solidariteti në këtë krim monstruoz, por populli opozitar do thotë fjalën e tij. U them unë ju që kanë qenë absolutisht propozimet më racionale për ti dhënë përgjigje krizës. Kanë qenë amendamente të cilat çlironin shqiptarët nga dhimbjet e mëdha që po krijon kjo krizë mbi ta”, tha Berisha.
Discussion about this post