Kreu i PD-së, Sali Berisha ka denoncuar publikisht ish-kryebashkiakun e Durrësit se ka ndërtuar vilë në Konvaleshencën në Durrës.
Berishadeklaroi nga Durrësi se Vangjush Dako ndërtoi vilën 2-3 katëshe nga qelia, duke theksuar se bëhet fjalë për rreth 900 metra truall publik.
“Mafia është e fshehtë, është në fshehtësi, ka kodin e heshtjes”, tha kryedemokrati.
“Vjedhin, vjedhin dhe vetëm vjedhin. Pardje po më thoshte një mik i imi që Gjushi paska ndërtuar vilë në truallin e Konvaleshencës, në truallin publik, 900 metra. Se mafia është e fshehtë, është në fshehtësi, ka kodin e heshtjes.
Tha e kam parë me sytë e mi dhe do të sjell dokumentet, Gjushi nga biruca, nga qelia ndërton vilë 2-3 katëshe në territorin e Konvaleshencës së ushtrisë apo policisë, ku kryeinspektor është një njeri i përlyer në të gjitha llojet e krimeve dhe ka vetëm një meritë që është daja i Ballës apo ka nip Taulantin a diçka e tillë, Doda si e ka emrin”, tha Berisha.
Discussion about this post