Deputetja e Kuvendit, Ori Nebijaj, është një ndër opinionistët e edicionit të tretë të “Big Brother VIP”.
Për emisionin “E Diell” ajo ka dhënë një intervistë, ku është shprehur se e ka pranuar ftesën me shumë kënaqësi për të qenë opinioniste në BB VIP 3.
Nebijaj zbuloi edhe këshillat që i ka dhënë Arbër Hajdari, i cili është për të tretin vit në këtë pozicion.
Ndërkohë e pyetur se kë do donte të shikonte brenda shtëpisë më të famshme në Shqipëri, mes Lulzim Bashës dhe Sali Berishës, Nebijaj duke qeshur tha ‘pse jo të dy, që të fiknin dritat’.
Intervista:
Ronaldo: Për herë të parë në Big Brother VIP si opinioniste, sa tu desh ta mendoje pasi të erdhi ftesa?
Ori: Sapo Lori Hoxha, drejtuese e Top Channel ma propozoi, me të thënë të drejtën mu bë shumë qejfi sepse për mua Top Channel është një shtëpi në të cilën u rrita profesionalisht.
Kështu që e mendova vetëm pak nga ana juridike dhe ligjore se sa mund të kishte ndonjë konflikt interesi, dhe pasi u sigurova që nuk ka asnjë problematikë të tillë, atëherë pse jo. Mund të shpreh opinionet e mija dy herë në javë. Nuk më pengon me detyrën që kam zgjedhur të kem në parlament.
Ronaldo: Nisur edhe nga eksperienca e vitit të kaluar, “Big Brother” është shumë sensitiv por edhe për opinionistët që u duhet që pavarësisht kë duan njerëzit, t’a thonë mendimin e tyre troç. Sa gati është Ori Nebjiaj t’a bëjë këtë?
Ori: Unë gjithmonë kam qenë kështu. Absolutisht do të kujdesem që të jem gjithmonë e drejt dhe pa emocione tifozërie që nuk më duket edhe aq e vështirë, sa kohë je ulur aty dhe ke marrë përsipër përgjegjësinë e të qenurit opinionist. Më duket një pozicion me përgjegjësi shumë të madhe kështu që jam shumë gati ta bëjë.
Ronaldo: Këshilla që Arbri të ka dhënë duke qenë se është më i vjetëri në këtë studio si opinionist?
Ori: E drejta është se më ka dhënë shumë këshilla. Ishte shumë i kujdesshëm dhe miqësor dhe gjëja e parë që më tha është mos ki hall nga komentet sepse Big-u gjithmonë merr shumë vëmendje. Do ketë komente në rrjet, mos e vrit mendjen sepse do të dalim shumë mirë.
Ronaldo: Po kolegët e partisë ç’të thanë?
Ori: Po e them tani për herë të parë që i gjithë klubi i deputetëve të rinj që drejtohet nga Andia Ulliri dhe të gjithë deputetët që janë pjesë e këtij klubi më kanë shkruar të gjithë. Kanë uruar, gjithashtu më ka shkruar stafi i Kuvendit. Janë të gjithë optimist.
Ronaldo: A mendon se do të ishte perfekt për edicionin e tretë të BBV ndonjë nga kolegët e tu të partisë? Mes Lulzim Bashës dhe Sali Berishës kë do të shihje ti në Big Brother?
Ori: Nuk e di, mendoj se njëri…
Ronaldo: Kë do të doje të shihje ti?
Ori: Pse jo të dy?
Ronaldo: Të dy bashkë? ‘Kokë më kokë’ për çmimin e madh
Ori: Kush do të mbyllte ose kush do të fikte dritat e shtëpisë
Ronaldo: Meraku më i madh që ke në këtë “Big Brother”?
Ori: Nuk kam ndonjë merak. Jam e sigurt që do të jetë një edicion i tretë i shkëlqyer. Jam shumë entuziaste që jam me miq e kolegë shumë të mirë, qoftë Arbëri, qoftë stafi i produksionit. Ledioni është fantastik, kemi qenë gjithmonë miq e kolegë. Kemi ndarë opinionet dhe momentet si të mirat dhe të këqijat gjatë punës. Energjia është shumë e mirë. Jam ndjerë absolutisht më mirë dhe se në shtëpi do të thoja.
Discussion about this post