Berisha: Do ketë protestë të fuqishme ditën e enjte

“Do ketë protestë të fuqishme ditën e enjte para parlamentit”.

Kjo ishte deklarata e kreut të PD-së Sali Berisha për gazetarët pasi doli nga selia e PD-së mbrëmjen e sotme.

Një protestë u zhvillua dhe këtë të Hënë para parlamentit, ku u mbajt një seancë plenare mes tensionesh.

“Do ketë protestë të fuqishme ditën e enjte para parlamentit. Nderimin më të madh për ata që ishin aty dhe bashkuan zërin me deputetët e tyre kundër regjimit. Ishte një moment jashtëzakonisht i veçantë i revolucionit sot”, ka deklaruar Berisha.