Pasi fitoi betejën për të marrë Partinë Demokratike me gjyq e me vota, ish-kryeministri Sali Berisha ka nisur fushatën më të vështirë. Fushatë e cila duhet të bindë opinionin e gjerë publik se mund të fitojë zgjedhjet e qeverisë, duke qenë person ‘non grata’ nga aleati strategjik i Shqipërisë e shqiptarëve: Shtetet e Bashkuara.
“Pse u godit Sali Berisha? Vetëm që PD-ja të bëhej shtojcë e PS-së. Por ne shtojcë nuk bëhemi. Ju më pyesni: a fiton PD-ja me Sali Berishën në krye? Unë them fiton. Në 1998 kam pasur botën kundër dhe kemi fituar. Fituam sepse besuam te e drejta. Unë për një kauzë të drejtë luftoj deri në fund. Unë jam i bindur se do fitojmë”
Ditën që u rikthye në selinë blu, Berishës iu tha nga kryetari i komanduar i Partisë Demokratike se me një person ‘non grata’ PD-ja nuk vjen dot në pushtet.
Këtë të diel, ish-kryetari i PD-së iu rikthye foltoreve në rrethe për të dëshmuar pikërisht të kundërtën lidhur me situatën.
Discussion about this post