Qindra qytetarë dhe demokratë të Kamzës janë mbledhur në Pallatin e Kulturës, për takimin me ish-kryeministrin, Sali Berisha. Gjatë fjalës së tij ai u shpreh se “ Foltorja” do të sjellë përmbysjen e shtetit njësoj si në vitet ’91. Berisha tha se, do të ngrihen dhe do të përballen me qeverinë e sotme që e quajti narkoshtet njësoj si me diktaturën 30 vjet më parë. Sipas tij , PD do t’i sjellë vendit lirinë që i ka munguar në vitet e fundit.
“Foltorja është urgani i shpresës, Kurrë në 30 vite si në këtë ditë nuk ka vërshuar një gëzim dhe shpresë e madhe në fshatra dhe rrugët e Shqipërisë. Si në 91 edhe tani, atëherë u përballën dhëmb me dhëmb me regjimin komunist, tashmë do përballemi me narkoshtetin. Do ta përmbysë qatë dhe do të ngrejë sërish Shqipërinë në këmbë. Foltorja është misioni i dytë më i madh në 30 vitet e fundit, ju demokratët jeni misionarët e saj, të sigurt në fitoret e ardhshme të Partisë Demokratike. Ne qëndrojmë fuqishëm prapa një kauze, që është kauza themelore e lirës për qytetarët që duan të jetojnë me nder dhe respekt”, tha ai.
Lideri historik i PD po zhvillon në Kamëz ‘Foltoren’ e 14-të me qytetarët dhe mbështetësit.
