Kryetari i Partisë Demokratike, Sali Berisha ka vizituar pasditen e sotme ekspozitën të mirënjohur, Avni Delvina me titull ‘TRIUMPH’, dedikuar presidentit të 47-të të SHBA-ve, Donald Trump.
Berisha e vlerësoi ekspozitën e artistit, Avni Delvina dhe e konsideroi të rëndësishëm rikthimin e Donald Trump në Shtëpinë e Bardhë. Sipas Berishës, kjo ngjarje historike që shënon shpëtimin e Amerikës, por edhe lirinë së botës.
Kryetari i PD e cilësoi fitoren e Trump si një moment “hyjnor” që vjen pas një beteje të ashpër kundër forcave që ai i cilëson si armiq të lirisë, si marksistët, sorosianët dhe ekstremistët e majtë. Ai theksoi se këto forca përbënin një kërcënim për lirinë dhe identitetin njerëzor.
Berisha foli mbi ndikimin e Xhorxh Soros dhe filozofinë marksiste në Shqipëri, duke i dhënë rëndësi luftës kundër censurës dhe diktaturës, që ka përqafuar ekstremi i majtë në SHBA dhe që ka pasuar një model të ngjashëm me diktaturat totalitare.
Kryedemokrati shprehu kritika ndaj aktit të ish-presidentit Joe Biden për faljen e familjarëve të tij, duke e quajtur të papranueshëm dhe të paligjshëm. Berisha vlerësoi rëndësinë e fitores së Trump për reformimin e SHBA dhe lirinë botërore, duke përmendur edhe ndikimin e Elon Musk për të çliruar Twitter-in nga censura.
Lideri demokrat, përgëzoi Marco Rubio dhe theksoi se posti i diplomatit të parë të botës tani në duar të qytetarëve të lirë, është një lajm i mirë për ata që luftojnë kundër diktaturave.
Discussion about this post