Depozitimi i firmave të mbledhura për Kuvendin që Sali Berisha do të mbajë me 11 dhjetor nuk u bë në zyrën e Sekretarit të Përgjithshëm, por ato iu besuan kryetarit të Këshillit Kombëtar, Edi Paloka. Në lidhje me këtë ka folur sot, Arben Ristani, i cili tha se nuk ka Kuvend në botë që kontrollohet nga organe të tjera.
“Lufta për demokraci po zhvillohet edhe brenda PD. E vutë re në insert të Bardhit kishte spikatje të unit, kur nuk e zgjidh unë që s’jam sekretar i përgjithshëm. Spikati uni, kur e gjithë beteja është për demokraci. S’ka kuvend në Shqipëri që kontrollohen nga organe të tjera, por kuvendet vetëkontrollohen. Organi i 2 poshtë kuvendit është këshilli kombëtar. Pikërisht këtu firma janë dhënë në këtë institucion. Nuk ka kuvend në botë që kontrollohet nga organe të tjera. Anëtarët mund t’i shohin firmat e dorëzuara por jo t’i marrin.
Ndër të tjera, ai argumentoi se konfliktet në PD kanë nisur për shkak se Basha nuk respekton statutin e PD, por këtë herë, sipas Ristanit, ai nuk mund të ketë kompetencë të pengojë apo kontrollojë kuvendin. “Nga ana tjetër kemi një konflikt interesi, kjo histori ka nisur sepse Basha është armik i rregullave statutore, e shkel atë në çdo veprim që kryen. Shkelja e fundit, Bardhi është i vetëshpallur sepse nuk është zgjedhur sipas statutit. Zgjedhja me votë të fshehtë nuk është bërë. Këta s’mund të kenë dhe s’kanë me kushtetutë të partisë asnjë kontroll mbi Kuvendin”, tha Ristani.Berisha tha dje se, janë mbledhur të gjitha firmat e nevojshme dhe me 11 dhjetor mblidhet Kuvendi i PD.
Discussion about this post