Berisha: Dumani, përgjegjës njësoj si Rama për krimin zgjedhor të 11 majit

Nga emisioni “Opinion” kryetari i PD, Sali Berisha nuk i ka kursyer përsëri akuzat ndaj kreut të SPAK,Altin Dumani.

Kryedemokrati tha se Dumani se ka bërë përpjekje për të zgjatur mandatin e tij në krye të institucionit të lartë të akuzës në vend.

Sipas Berishës, kreu i SPAK është përgjegjës po aq sa kryeministri Edi Rama për krimet zgjedhore të ndodhura më 11 maj.

“Unë Edi Ramën nga mëngjesi deri në darkë e sulmoj, por pas Edi Ramës, i dyti në krime monstruoze për krime elektorale vjen Altin Dumani. Unë nuk mund të pranojë kurrë mitizimin e këtij njeriu të lidhur kokë e këmbë me krimin. Mitin e tij krijoi Edi Rama dhe Sorosi… Ai është pas Edi Ramës, përgjegjësi numër një. Janë leshur 250 mandate arresti dhe nuk janë ekzekutuar”,-tha Berisha.

Pjesë nga Biseda

Sali Berisha: Veliaj paratë që ka vjedhur me Edi Ramën i ka të amnistuara nga Altin Troplini. Për çfarë është Veliaj në burg? Për djegësin e Tiranës.

Blendi Fevziu: Jo nuk është për atë…

Sali Berisha: Altin Troplini, ky pengmarrës pa ligj dhe moral. Pse i fali ai këta?

Blendi Fevziu: Kë fali?

Sali Berisha: Edi Ramën, Olsi Ramën, Lubi Ballukun. I fali se donte mandat të dytë.

Blendi Fevziu: Nuk ka mandat të dytë, është hapur gara.

Sali Berisha: Kush e deklaroi? E deklaroi përfaqësuesja e SHBA-ve. Gjatë dy viteve jam detyruar ta denoncoj të paktën 10 herë për përpjekjen e tij puçiste për të ndryshuar mandatin e tij. Kapte Ulsi Manjën… Po po, i thoshte Ulsiu, më duhet një çantë Louis Vuitton.

Blendi Fevziu: Çfarë e donte çantën ai? Nuk është grua

Sali Berisha: E di se dhurohen ato… Louis Vuitton i thotë Ulsi Manja….

Në një moment, Berisha shprehet për Dumanin: “I mori peng këta që të zgjasë mandatin”.