Ditën e sotme, zëdhënësja e Partisë Demokratike, Floriana Garo ka publikuar disa dokumente, që sipas saj tregojnë se kompania e Agron Kapllanajt, ish-kryebashkiakut të Mallakastrës ka fituar shumë tendera. Sipas dokumenteve, kompania e Kapllanatj renditet nder 11 kompanitë e klientelës se Ramës ne raport me tenderët e fituar nga pushteti.
Agron Kapllanaj i është përgjigjur akuzave të Floriana Garos, e cila publikoi disa dokumente sipas të cilave dëshmonin tenderat që ka përfituar ish-kreu i PD-së së Mallakastrës. Kapllanaj thotë se ish-kryeministri Sali Berisha është fshehur pas një gruaje për të bërë sulmet e tij. Sipas Kapllanajt, ka ikur koha kur Berisha dhe familja e tij u vinin gjoba bizneseve për çdo tender. Ndër të tjera, Kapllanaj i sjell në vëmendje Berishës disa akuza ndaj familjarëve të tij për kompaninë e boronicave dhe lojërave të fatit.
”Sali Berisha ka ngatërruar adresë. Mendon se jeton ende në kohën kur ai dhe familjarët e tij u vinin gjoba bizneseve për çdo tender. Tani që kjo kohë ka mbaruar, numërojnë tenderët publikë si lek gjobash që u mungojnë në arkën e shtëpisë. Ne fakt kjo tregon qartë për karakterin e tyre. Për frikën që kanë për milionat e fshehura në tregtinë e boronicave, të lojërave të fatit apo dhe dyqane në bllok. Për këto dhe të tjera akte të paligjshme në kurriz të shqiptarëve është shpallur familjarisht non grata. Sali Berisha ndoshta e ka harruar se kur vinte gjoba me pushtetin e tij dërgonte familjarët për t’i mbledhur. Ndërsa tani kur qajnë familjarisht për gjobat e pamarra nxjerrin gratë e botës e fshihen pas fustanit të tyre” -shkruan Kapllanaj.
Discussion about this post