Pas akuzave të ish-kryeministrit Sali Berisha për Bardhin ku u shpreh se është përgjegjës për vrasjen e Pjerin Xhuvanit në Elbasan, i menjëhershëm ka qenë edhe reagimi i PD-së.
Në një postim në rrjetet sociale, shkruan se e dënon me forcë përdorimin e një ngjarje të rëndë për interesa të Sali Berishës. PD në rrjetet sociale shkruan se është e pafalshme të shohësh se si Sali Berisha mbron bandat e Elbasanit duke shtuar se ish-kryeministri është peng i tyre, sepse i përdori kundër demokratëve në tentativën e tij për të marrë peng PD.
“PD dënon me forcë përdorimin e një ngjarje të rëndë për interesa të Sali Berishës.
Është e pafalshme të shohësh se si Sali Berisha mbron bandat e Elbasanit edhe pse ai tashmë është peng i tyre, sepse i përdori kundër demokratëve në tentativën e tij për të marrë peng PD.
Për hallin e tij, Sali Berisha bëri koalicion edhe me Aqif Rakipin, Tom Doshin dhe Vangjush Dakon. Këtë e dinë gjithë demokratët dhe gjithë qytetarët e Shkodrës, Elbasanit dhe Durrësit. Për hallin e tij, Sali Berisha kërkon të shkatërrojë PD-në dhe ta izolojë atë nga çdo partner ndërkombëtar.
Siç po shihet çdo ditë në këtë sipërmarrje, ai ka partner kryesor Edi Ramën. Mjafton të shikoni sot vendimin e Komisionit të Ligjeve, për të kuptuar se si Edi Rama është aleati i Sali Berishës. Ata kanë halle të përbashkëta dhe për hallet e tyre duan të bëjnë kurban PD-në”, shkruhet në postim.
Kujtojmë se në mbledhjen e Komisionit të Ligjeve, Bardhi tha se një prej kandidaturave, ai i Simon Mirakës është propozuar nga Berisha.
Discussion about this post