Kreu i grupit parlamentar të Partisë Demokratike, Enkelejd Alibeaj ka dhënë një deklaratë për mediat pas mbledhjes së grupit ku ishte i pranishëm dhe ish-kryeministri Sali Berisha.
Nga selia blu, Alibeaj e konsideroi si situatë pushtimi zhvendosjen e Komisionit të Rithemelimit në seli dhe ndryshime të reja në godinë, ndërsa qëndroi i vendosur në deklaratën e tij se Berisha duhet të tërhiqet si Lulzim Basha.
“Sinjalet nuk mund të jepen duke pushtuar selinë e PD-së, nuk mund të jepen duke u futur dhunshëm në seli, siç bën Sali Berisha, kur në fakt nuk është pjesë e grupit parlamentar. Hapi i parë është i pamjaftueshëm drejt bashkimit. Që të jemi të bashkuar por mbi të gjitha fitues, ashtu siç bëri edhe Basha, duhet të ndodhte edhe me Berishën, jo si kusht, por si nevojë për bashkimin e partisë. Ndërkohë që ne bëjmë këto tollovi, Edi Rama tregon…të lutem, nuk bëjmë dhe nuk është gjë e mirë që të ndodhë kështu”, tha Alibeaj.
Mbledhja e grupit parlamentar të Partisë Demokratike është shoqëruar me debate pasi ish-kryeministri Sali Berisha injoroi vendimin e Enkelejd Alibeaj dhe shkoi në mbledhje. Aliabeaj i ka tha Berishës se nuk duhet të kishte ardhur pasi ishte i përjashtuar, ndërsa ish-kryeministri i është përgjigjur me vendimin e Gjykatës për statutin e 11 dhjetorit.
Discussion about this post