Në lidhje me incidentin e ndodhur sot në foltoren e Kuvendit, ku ish-kryeministri Berisha përzuri nga foltorja kreun e grupit të PD Enkelejd Alibeaj, ka reaguar ambasadorja e SHBA-së në Tiranë. Yuri Kim shprehet se ditët e largimit të të tjerëve nga podiumet dhe kërcënimi ndaj atyre që me të drejtë i thonë jo akuzave i përkasin të shkuarës që nuk duhet të kthehet më.
“Ditët e sulmeve ndaj ndërtesave, rrahjes apo shtyrjes së të tjerëve nga podiumet, kërcënimeve ndaj atyre që me të drejtë thonë “jo!”, akuzimit të të tjerëve për keqbërjet që ke bërë vetë, shtrembërimit të shtetit ligjor, mbështetjes tek pandëshkueshmëria- ato ditë i përkasin një të shkuare që nuk duhet të përsëritet” – shkruan ambasadorja.
Discussion about this post