Nënkryetarja e PD-së, Grida Duma tha se Basha do të bënte hipokrizinë më të madhe në botë nëse do t’ia linte vendimin që të zgjidhte Kryesia me votë. Sipas saj, Berisha nuk është përjashtuar nga PD-ja, por është pezulluar.
“Statusi i PD ndodhet në faqen zyrtare dhe ju mund ta shihni online. Ato masat që merr kreu i PD një anëtar një votë, për masën e pezullimit. Çfarë do të hidhte në votë Basha? Do t’i drejtohej anëtarësisë, apo kryesisë dhe do t’i thoshte; ‘na ka ardhur një kërkesë nga SHBA për përjashtimin e Berishës’, të cilat nuk janë bërë publike dhe që ai nuk i njeh dhe i ankimon. 5-6 fakte që Riker i ka thënë në zyrën e Bashës dhe me dy përfaqësues të tjerë ku unë skam qenë dhe që kanë ngelur në atë takim. Çfarë të bënte Basha? Berisha këtë nuk e pranonte dhe e thoshte se do te çonte në gjyq, apo të parashtronte anëtarëve që jeni me SHBA apo me Berishën?! Si ka mundësi që kryetari s’merrte dot këtë përgjegjësi, por ia kalonte atë Kryesisë?! Është normale që Basha dhe Berisha të këshilloheshin, ku ishte realitet i përhershëm. Por për këto këshilla nuk u pyet Kryesia” – pohoi Duma.
Më tej Duma tha se Berisha nuk ka pasur koherencë në deklaratat e tij, pasi një herë tha se nuk do të kandidojë për kryetar partie, tani thotë se do që të jetë kryeministër.
“Mund të ketë dhe një skenar tjetër, që qasej me figurën e gjatë të Berishës. Ai mund kishte dalë në publik dhe të kishte thënë; është çështje e imja dhe s’do të tërheq partitë te ky problem. Ai tha; ‘unë nuk do të kandidoj’. Pastaj tha; ‘unë do kandidoj’. Pastaj tha; ‘unë do jem kryeministri’. S’ka koherencë, duhet të kishte një lloj maturiteti” – u shpreh Duma.
Ditën e djeshme ish-kryeministri Sali Berisha, gjatë prezantimit të 4200 firmave, siç pretendon ai, të mbledhura nga “Foltorja”, tha se do të jetë kryetar dhe kryeministër.
Discussion about this post