Analisti Ilir Demalia ka dhënë një intervsitë për Fax News, ku nëpërmjet një lidhje “Skype” ka komentuar zhvillimet e fundit në vend pas lajmeve për financimet ruse ndaj partive politike në Shqipëri, konkretisht Partisë Demokratike.
Demalia tha se ndryshe nga çfarë shfaqej, ish kryeministri, Sali Berisha ka ditur çdo gjë lidhur me financimin rus gjatë kohës që Basha ishte në krye të PD-së. Mes të tjerash, analisti shtoi se në këtë histori, ish-kryedemokrati Lulzim Basha ishte përdorur nga Berisha.
“Këtu nuk ka dy palë, ajo parti është e Berishës dhe e klanit të tij. Nëse e ka ditur njeri që ka pasur financim nga rusët ka qenë Berisha. Madje Berisha e ka përdorur Lul Bashën në fillim për këtë pjesë. Tani dalin të gjithë ata që i rrinin Lul Bashë pranë, i janë kthyer të gjithë kundër. Këtu nuk është çështja se këta po luftojnë për të ndërtuar një PD të fortë, këta po luftojnë për të mbrojtur interesat e veta. Si nuk paska dijeni Berisha? Ka dijeni e gjithë partia Demokratike. Ky Lul Basha po të ishte aq përbindësh nuk do ikte si një kalama që e nxjerrin nga kopshti.
Paranë e ka Berisha dhe nesër mos na del se paratë janë marrë përmes tij. Unë nuk po them se Lul Basha nuk ka dijeni, por unë them se Lul Basha më tepër është përdorur si bedel sepse ishte njeri totalisht i paaftë. Berisha do të justifikojë veten, dhe më duket se është i tronditur nga kjo. Kjo lidhet edhe me non-gratën e tij, sepse ndryshe duhej të ishte shpallur Basha non-grata”– u shpreh Demalia.
Discussion about this post