Lideri i Partisë Demokratike, Sali Berisha, gjatë një takimi të zhvilluar me ekspertë të sektorit të energjisë, hodhi akuza për kontrabandën e naftës, që sipas tij bëhet përmes shtetit.
“99 % e energjisë elektrike është ende nga uji, vetëm 1% e totalit është nga burime të reja energjie. Dalja në treg të lirë e bizneseve të mëdha është i bazuar në keqpërdorim dhe vjedhje. Shqiptarët duhet ta dinë se kjo qeveri ka blerë energji me 220-250 euro megavat, ndërkohë që në bursë shitej me 80-82 euro. Kryeministri e përdor furnizimin me energji si një mjet terrori, dhe e konsideron mundësinë e rritjes së çmimit për familjarët. Kostoja e prodhimit të energjisë në Shqipëri është shumë e ulët, ia shet qytetarëve 90 herë më shumë”, ka thënë ndër të tjerash ish-kryeministri.
Berisha vazhdoi me tej duke thënë se kur të vijë në pushtet PD-ja do të do përgjysmohet taksa e naftës dhe subvencioni i biletave të transportit publik.
“Pse po ndalem unë këtu, jo se ndryshon kursi i kësaj qeverie, por po ndalem që tiu them qytetarëve që potenciali i ndryshimit është shumë i madh. Ne së pari do të përgjysmojmë barrën fiskale të naftës, do të subvencionojmë tarifën e transportit publik”, shprehet Berisha.
Discussion about this post