Kreu i Partisë Demokratike, Sali Berisha gjatë fjalës së tij në Kuvend u ka bërë thirrje qytetarëve të bëjnë greva që të largojnë nga pushteti, kryeministrin Edi Rama.
Berisha tha se ka ardhur koha që mësuesit, studentët, bizneset të ngrihen për të larguar Ramën, të cilin sipas tij, s’e merr njeri as si mësues vizatimi.
Berisha: Sot më shumë se kurrë qytetarët shqiptarë kanë nevojë për përfaqësim në këtë hall. Dëgjova diskutime por sot është koha për veprime. Këta janë nga mëngjesi gjer në darkë të angazhuar në dy aktivitete, mashtrimin dhe vjedhjen tuaj. Koha ka ardhur që ne kësaj qeverie t’i tregojmë vendin. Jam këtu për t’u bërë thirrje mësuesve që të mbrojnë figurën e tyre. Janë të vetmit që 8 vite nuk njohën rritje por krahasuar me inflacionin, ulje të ndjeshme të rrogës. Janë njerëzit më të përçmuar në administratë. U shkakton dhimbje portali i kësaj zonjës, portali i Kushit. Cila mbetet? Greva, greva dhe vetëm greva. Edhe bizneset, të ulin qepenat. Studentët të organizohet një lëvizje e fuqishme studentore. Edhe pedagogët të ngrihen, mos t’u tregojë punën një person që nuk merret as si mësues vizatimi.
Discussion about this post