Kryetari i Partisë Demokratike, Sali Berisha i ka bërë thirrje shqiptarëve të cilët votojnë në zgjedhjet evropiane, që të mbështesin kandidatët e të djathtës dhe kandidatët shqiptarë kudo ku janë.
Lideri i opozitës ka dënuar me forcë kërcënimin e bërë ndaj gazetarit italian të emisionit Report në Rai3, Zigfrid Ranuçi për të cilin akuzoi lidhjet e kryeministrit Edi Rama. “Denoncoj me forcën më të madhe kërcënimin nga miqtë e Edi Ramës në krye të Sinaloas së Meksikës të gazetarit të njohur italian, Zigfrid Ranuçi”, u shpreh Berisha gjatë protestës në mbështetje të tij, këtë të premte.
Kryedemokrati ka rreshtuar të gjitha faktet sipas tij, se si u ngrit narko-shteti në Shqipëri nga kryeministri Edi Rama. “Nuk mundet kurrë të heshtja, të mos mbroja interesat jetike të shëndetit tuaj, të sigurisë suaj, të vendit tim”, theksoi Berisha gjatë fjalës së tij në tubimin qytetar që zhvillohet poshtë banesës së tij.
Lideri i opozitës është ndalur te faktet se përse Shqipëria sot njihet narkoshtet edhe nga mediat ndërkombëtare më të njohura. Pyetja kryesore që ngre Berisha është se “cili shtet në nuk do të quhej narkoshtet, po të emëronte në krye të rendit 3 narkoministra me lidhje si kristali me drogën”.
Kryedemokrati u ndal te deklaratat e ish-zëvendëskryeministrit Arben Ahmetaj i cili pohoi se kryeministri Edi Rama i ka thënë se droga është para. “Rama i ka deklaruar Ahmetajt se droga është para. Por droga është helm, varfëri, krim dhe pasiguri për qytetarët”, u shpreh Berisha.
Kryetari i Partisë Demokratike i bëri thirrje shqiptarëve që ditën e hënë në orën 11:00 të mblidhen në protestën para Bashkisë Tiranë. “Të hënën në ora 11:00, të gjithë te bashkuar, ta nxjerrim për zverku nga zyra Erion Veliajn, kryehajdutin e Tiranës”, u shpreh Berisha.
Discussion about this post