Kryedemokrati Sali Berisha komentoi sot operacionin e SPAK, ku në pranga ranë biznesmeni i afërt me Edi Ramën, Pëllumb Gjoka dhe zyrtari i lartë i Policisë së Shtetit, Oltion Bistri.
“Krahas shkarkimit të Damian Gjiknurit, numrit dy të PS, sot është njoftuar arrestimi i disa krerëve të botës së krimit shtetëror dhe të lidhur me shtetin.
Sot është arrestuar Pëllumb Gjoka, një nga banditët kryesorë, një njeri, i cili me ndihmën e Edi Ramës, ka grabitur rreth 100 mijë metra katrorë në Velipojë. Akuzohet edhe për vrasje njerëzish.
Pëllumb Gjoka ka një motel këtu, të cilit Edi Rama i ka dhënë apo donte t’i jepte pesë yje dhe kazino. Pëllumb Gjoka ishte po kaq i afërt me Edi Rramën sa Damian Gjiknuri.
Por mbi Pëllumbin ishte Bistri.
Bistri është një nga eksponentët e krimit në Shqipëri dhe Ballkan. Ai drejtonte Drejtorinë Operacionale të Policisë së Shtetit. Oltion Bistri është një përbindshëm i krimit. Nga hajdut ordiner te autor i të gjitha llojeve të dhunimit të ligjit.
Ai zbatonte urdhrat e prokurorisë për arrestimin e bashkëpunëtorëve të tij në krim, ndaj edhe ata ia mbathnin lirshëm se njoftoheshin para se të ekzekutohej urdhri.
Por arrestimi i Gjokës dhe Bistrit dhe prokurorit Lita dhe zyrtarëve të tjerë, është meritë e Europolit, partnerëve tanë, që kanë sjellë këtu transkriptimin e telefonave, SKY, Encrochat, ECC, në të cilët Shqipëria del vendi më i pasur.
Në territorin e Shqipërisë janë 8 mijë përdorues telefoni, ndërtesa e Këshillit të Ministrave del kudo me llamba të kuqe aty ku vëzhgojnë”, tha Berisha.
Discussion about this post