Kryetari i Partisë Demokratike Sali Berisha ka deklaruar këtë mbrëmje se ministrja e Punëve të Jashtme, Olta Xhaçka do të humbasë së shpejti mandatin e deputetit të Partisë Socialiste.
Në një intervistë për A2CNN, ai i bëri thirrje gjithashtu dhe Sekretarit Amerikan të Shtetit, Antony Blinken se gjatë takimit të mbajtur sot në Uashington me delegacionin shqiptar të kryesuar nga Ministrja e Jashtme, kishte dosje dhe afera korruptive.
“Më lejo pak të them disa gjëra të rëndësishme. Sot në Washington ishte një delegacion i gjerë me në krye Olta Xhaçkën dhe në një pjesë të diskutimeve mori pjesë vetë Antony Blinken. I them zotit Eskobar dhe zotit Blinken se së bashku në atë tavolinë kanë qenë dosje dhe afera korruptive, ashtu siç kanë qenë gjatë vizitës së Saimir Tahirit në Shtëpinë e Bardhë. Olta Xhaçka shumë shpejt do të humbasë mandatin dhe do të përballet me drejtësinë pasi ka marrë në emër të burrit statusin e partnerit strategjik në kundërshtim me Kushtetutën. Aq sa ishin të vetëdijshëm për Saimir Tahirin në Shtëpinë e Bardhë,”- tha Berisha.
Discussion about this post