Berisha: I njohim italianët dhe do të bëjmë maksimumin

Shqipëria do të përballet me Italinë ditën e nesërme në orën 20:45 në stadiumin Air Albania. Miqësorja e luksit pritet me shumë interes teksa biletat janë shitur të gjitha dhe në Air Albania, plot 22 mijë tifozë do të ndjekin supersfidën. Në konferencën për shtyp para ndeshjes, trajneri Reja u paraqit bashkë me kapitenin Berisha. I pari foli portieri Berisha.

Ndeshja

Me siguri kjo ndeshje është e rëndëshishme për ndeshje sidomos pas atyre ndeshjeve jo të mira që bëm në Nations League. Na jepet një mundësi të tregojmë vlerat tona. Me siguri duke i njohur lojtarët e Italisë do të mundohemi që të bëjmë një ndeshje të mirë pasi mendoj që kemi kualititet e duhura dhe shpresoj që të paraqitemi mirë.

Atmosfera – Atmosfera është e mirë. e kam thënë gjithmon që mentaliteti na ndëshkon ndonjëherë me ekipet që janë në kategorinë tonë ose më poshte dhe ne lëshojmë ndërsa me ekipet më të forta ne nuk gabojmë në këtë drejtim. Shpresoj që në ndeshjet e ardhshme të qasemi më mirë sepse mjafton që një gabim të ndëshkohesh dhe sidomos në ndeshjen e nesërme duhet të jemi shumë të përgatitur pasi Italia ka shumë kualitet.

Nga sulmuesit e Italisë, kush të frikëson më tepër? – Nuk më frikëson asnjëri jo vetëm në Itali. Unë kam respekt për të gjithë. Italia është shquar për lojë ekipi duke fituar edhe Europianin. Nuk besoj që ka pasur lojtarë që është dalluar shumë. Ka qenë grup dhe nuk ka pasur lojtarë që ka dalluar më tepër. Ne do të vazhdojmë të përgatisim lojën në mënyrën më të mirë të mundshme.

A janë të gatshëm lojtarët e rinj? – Të them të drejtën i kam parë shumë pak pasi stërvitje kemi bërë vetëm dje dhe sot. Me siguri që djemtë kanë kualitete mirëpo për ta është një mundësi hsumë e mirë. Gradualisht shihet mundësia që do t’u jipet. Trajneri ka bërë mirë që të grumbullohemi me siguri ka parë individë në ndeshjet miqësore që bëmë dhe në të ardhmen do të kenë mundësi të na ndihmojnë.

Situata te Torino – Për mua fundi i kampionatit jam munduar të jap maksimumin në mënyrën time dhe ta ndihmojë ekipin. Në atë moment edhe ekipi po ecte mirë dhe isha i kënaqur dhe në të ardhmen prisja më shumë hapsira por nuk ndodhi ashtu dhe unë do të bëj maksimumin tim për të pritur momentin, në të kundër do të gjejë hapsirë diku tjetër.