Ish-kryeministri Sali Berisha, ka folur për rritje e çmimeve, protestave si edhe komentoi masat e marra nga qeveria. I ftuar në emisionin ‘Kjo Javë’, Berisha tha se qeveria nuk ka bërë aq sa duhet për të mbështetur qytetarët.
“Pasuritë e mëdha janë kthyer në plaçke personale e grupeve mafioze që kanë gjithçka parasysh por vetëm interesin e konsumatorit jo”, tha Berisha.
I pyetur për protestat, Berisha u shpreh se i konsideron ato legjitime, duke theksuar se protestuesit janë në të drejtën e tyre, ndërsa rreth akuzave se ai është organizatori, Berisha tha se kjo është e pavërtetë.
“ Protesta ka tundi themelet e narkoshtetit. Çdo protestë ka ngritjet dhe uljet e saj, por sot ishte e admirueshme dhe vendimi për të sakrifikuar dhe për të qëndruar para Kryeministrisë. Ata po e bëjnë për qindra mijëra shqiptarë që janë të pambrojtur në këtë shtet. Merr vetëm deklaratat e ministrave në këtë krizë, se 140 euro mjaftojnë për të mos qenë të varfër, të gjitha këto dëshmojnë se janë të shkëputur nga realiteti dhe jetojnë në një luks të papërmbajtur.”, shprehet Berisha.
Ndërkaq qytetarët vazhdojnë të protestojnë dhe kanë premtuar që do të qëndrojnë dhe natën në shesh.
Discussion about this post