Berisha i rendit Ramës çështjet që do e përballin me drejtësinë

Kreu demokrat, Sali Berisha, paralajmëroi Kryeministri Edi Rama, se do të përballet me drejtësinë.

Berisha, duke folur para mbështetësve të tij, që vijojnë tubimet në atë që njihet si “Rruga e Shpresës”, tha se Edi Ramën sot e mbron Dumani e Kraja, por kur sovrani ka vendosur, nuk ka satrap që nuk ka kaluar nga karrigia e krimit, në karrigen e drejtësisë

“I bëj të qartë Edi Ramës se je një kalbërisë e pakallur dhe hiç dorë nga terrorizmi i gazetarëve.

Të garantoj se nuk ka pushtet në botë, nuk ka Skap dhe gjykata në botë që do të të mbrojnë ty nga krimet e shëmtuara që ke kryer.

Jo Edi Rama, jo.

McGonigali në burg, ti do të kesh fatin e tij.

Nuk ka shqiptar që mund të pranojë se ai që ka marrë licencë nafte dhe 225 mijë euro nga ti, të burgoset 3 vjet, kurse ti të qeverisësh.

Jo Edi Rama, ti ke korruptuar atë, je bashkëkorruptor, meriton fatin e tij dhe shqiptarët do ta japin atë.

Sot të mbron Dumani, Kraja dhe grupi i strukturuar kriminal në Skapin e partisë, por nesër i sigurtë të jesh se çdo qindarkë që ke përvetësuar nga ato qindra e milionë eurove, nga djegësi i Tiranës që nuk ekziston, për djegësin e Tiranës në vjedhjen e shekullit.

Se çdo qindarkë që ke përvetësuar me sterilizimin që i rrite çmimin 83 herë.

Se çdo qindarkë që ke fituar me 10-15 fishimin e çmimit të rrugëve.

Se çdo bixhoz që po loz me Portin e Durrësit do të rëndojnë ty gjer në fund të jetës tënde.

Unë e di se për të gjitha këto ti, do të bësh gjithçka që të qëndrosh mbi karrigen e krimit, të mbrosh pushtetin e krimit.

Por di gjithashtu se në të gjithë shekujt, në të gjitha kohërat, kur sovrani ka vendosur nuk ka satrap që nuk ka kaluar nga karrigia e krimit në shtyllën e turpit, në karrigen e drejtësisë”, tha Berisha.