Ish-kryeministri Sali Berisha theksoi se proces për privatizimin e ish kompleksit Partizani, nuk është nisur nga ai, duke ia faturuar Partisë Socialiste.
Berisha thekson se procesi për privatizimin është nisur nga Fatos Nano, ndërsa Edi Rama ka qenë ai që ka ndryshuar destinacionin nga klub sportiv në një qendër banimi.
“Në hetimin e tyre policesk 3-vjeçar, Edvini dhe larot e tij skapistë, në dhjetëra e dhjetëra dëshmi të ish-punonjësve publikë që kanë marrë pjesë në këtë procedurë, nuk kanë gjetur edhe pas 15 vitesh të përfundimit të saj, qoftë dhe një person të vetëm që të pohojë se kemi pasur ndërhyrjen më të vogël nga Sali Berisha apo Jamarbër Malltezi për këtë vendimmarrje. Ndjesë se harrova, në dacibaon e tyre, Edvini dhe skapistët e tij, kanë sjellë një dëshmi për Malltezin atë të një personi që thotë se më ofruan një apartament, por nuk mbaj mend se kush ma ofroi.Procesi për privatizimin nuk është nisur nga Sali Berisha, por Fatos Nano, mirëpo Edi Rama dhe larot e tij skapiste i fshehin këto.
Destinacionin e klubit Partizani nga terren sportiv në zonë urbane nuk e ka ndryshuar Sali Berisha, por Edi Rama. Madje edhe dy vite para se të përfundonte procesi i privatizimit. Sipas një dokumenti që mban firmën e tij, ku klub kishte humbur funksionin e tij”, tha Berisha.
Discussion about this post