Kreu i PD-së, Sali Berisha, gjatë fjalë së mbajtur në tubimin e sotëm, ka hedhur akuza të forta ndaj gjyqtares së GJKKO-së, Irena Gjokës.
Berisha i drejtoi pyetje Irena Gjokës, nëse kjo e fundit a ka ndonjë bisedë me ish-deputetin socialist Alket Hysenin, në të cilën flitet për 500 mijë euro ryshfet për ta hequr nga klasifikimi si grup kriminal. Po ashtu, lideri demokrat e pyeti gjyqtaren Gjoka dhe nëse a ka ndonjë bisedë me Mirel Mërtirin, biznesmenin e shpallur në kërkin për aferën e inceneratorëve.
Sipas Berishës, kreu i SPAK, Altin Dumani ka fshehur regjistrimet që inkriminojnë këmbë e kokë Irena Gjokën. Kreu i opozitës tha se Dumani mbron një delikuente që i ka ryshfetet nga 500 deri në 1 milionë euro vetëm e vetëm për qëllime politike, me urdhër të Edi Ramës.
“Ne do të fitojmë, ne do të hedhim në koshin e plehrave të historisë Edi Ramën, organizatën kriminale të skrapit të tij. Narkogjykatës dhe narkoprokurorë të drejtësisë sorosiane që u privuan shqiptarëve drejtësinë që janë shndërruar në paterica kriminale të diktaturës ndaj shqiptarëve. Do ta mbyll, ti shtroj një pyetje gjykatëses bandite me tre mbiemra: A ke ti ndonjë bisedë me Alket Hysenin në të cilën flitet për 500 mijë euro ryshfet për ta hequr nga klasifikimi si grup kriminal. Apo e ke me Mirel Mërtirin? Me cilin prej këtyre të dyve e ke ti Irena me katër mbiemra, Irena me katër fytyra.
Nëse Irena është me katër fytyra, Altin Dumani është me pesë fytyra i pafytyrë. Altin Dumani ky mercenar që mbulon krimet e tij dhe vërtitet në skrap si prokurori amerikan. Ky horr pa moral fsheh regjistrimet që inkriminojnë këmbë e kokë Irena Gjokën. I gjithë skrapi ushton dhe i dinë regjistrimet. Mercenar Dumani që hiqet si prokurori amerikan, ky lake pa kushtetutë dhe moral, mendon se atë nuk e njohin, nuk e dinë çfarë fundërrine është me dhjetëra e dhjetëra punonjës në atë ndërtesë. Zbaton verbërisht urdhërat e Edi Ramës, mbron një delikuente që i ka ryshfetet nga 500 në 1 milionë vetëm e vetëm për qëllime politike, për urdhër të Edi Ramës. Qëndron në detyrë pa votat e kërkuara nga kushtetuta. E garantoj se do të ketë fatin e Edi Ramës, i lidhur dhe të jeni të sigurtë ju, se vërtetë Xhorxh Soros është një nga kapot e mafias më të rrezikshme të kohës, por Amerika është Amerikë dhe nuk përfaqësohet vetëm nga Soros. Dhe ata që përdorin, ata që përdorin Amerikën për mburojë, për të mbuluar krimet e tyre, do të marrin ndëshkimin që meritojnë në Shqipëri dhe në Amerikë dhe kudo.” – tha Berisha.
Vlen të theksohet fakti se pak kohë më parë, u zbulua vendimi i Gjykatës së Athinës se gjyqtarja e GJKKO-së, Irena Gjoka është dëbuar nga vendi fqinj në vitin 2002 për shkak se kishte përdorur një vizë të falsifikuar dhe për këtë shkak iu ndalua hyrja për 12 vite në vendet e zonës Shengen.
Irena Gjoka ka mbajtur edhe mbiemrat Maneku dhe Shpata, teksa opozita në atë kohë bëri thirrje që ajo të pezullohej nga detyra dhe ndaj saj SPAK të niste hetimin.
Denoncimi u bë në muajin Maj, teksa tashmë jemi në muajin Gusht, teksa gjyqtarja Gjoka vijon të jetë ende në detyrë dhe ndaj saj nuk ka asnjë hetim.
gijotina.com/
Discussion about this post