Ish-Kryeministri Sali Berisha nga Elbasani ku zhvilloi një takim me mbështetës dhe simpatizantë të tij tha se shkaku i vërtetë që ai u shpall “non grata” nga SHBA ishte sepse doli kundër koalicionit PD-PS në 2021.
Berisha tha se tre ditë para zgjedhjeve të 25 prillit 2021, i ka shkuar i dërguari i Edi Ramës dhe më pyet; “Po s’i fitoi këto zgjedhje çfarë mendon ti për koalicionin e madh? Jo i thashë unë, është një gjëmë. Më thotë, nëse bëhet çfarë do bësh. I thashë do bëj çfarë të mundem kundër tij. Kjo ishte arsyeja e shpalljes non grata të Berishës”.
Në vijim, ish-Kryeministri deklaroi se momenti i dytë që Edi Rama kaloi në ekstrem ishte ai kur i bashkua grupi parlamentar, kur e pa që u bënë 42 burra dhe gra të vendosur për të mbrojtur idealet tuaja në parlament.
“Parlamentin e asgjësoi në kundërshtim me ligjin dhe rregullat e kaloi online. Nxorri një dacibao kundër meje dhe dhëndrit tim, për fajin e vetëm se ai në një proces të zgjatuar ka marrë 408 metra tokë të trashëguar nga gjyshja e tij, me të gjitha dokumentet.
Dhe tani, i heq kryetari të PD-së të drejtën të dalë jashtë. Ç’është kjo? Është marrje e pushtetit të parlamentit nëpërmjet të 2-3 mercenarëve për llogari të Ramës”, tha Berisha.
Ai shtoi se është i gatshëm të shkojë sa herë të thirret në çdo hetuesi në botë, por nuk mund të pranojë një vendim të mercenarëve të Edi Ramës që i marrin pushtetin Parlamentit.
“Do jua bëj gjyqin nga dera e gjykatës”, paralajmëroi Berisha.
Discussion about this post