Sali Berisha, përmes qytetarit dixhital, ka denoncuar lidhjen mafioze, sipas tij, të ministres së Infrastrukturës Belinda Ballukut me kryetarin e Komisionit të Prokurimit Publik, Jonaid Myzyri.
Në një postim në rrjetet sociale, Berisha shkruan se Jonaid Myzyri ka qenë jurist tek kompania “Alko Impeks” e Arbër Abazit, teksa ky i fundit ka për bashkëshorte mbesën e Belinda Ballukut (vajzën e motrës).
Berisha shkruan se “Lubi Balluku” ka vënë në kontroll të plotë prokurimet, teksa qytetari dixhital shprehet se ka një lidhje të fuqishme të tenderave me kompaninë “Alko Impeks”.
Ky denoncim i Berishës vjen ditën e sotme, ku Jonaid Myzyri u thirr për herë të tretë në SPAK, teksa është vënë nën hetim.
Postimi i plotë:
Ja si i vuri Lubi Balluku prokurimet në kontroll të plotë!
Denoncohet lidhja mafioze e Lubi Ballukut me Jonaid Myzyrin, Drejtorin e Përgjithshëm të prokurimeve dhe Arbër Abazin (dhendrin e motrës së Lubisë)!
Lexoni denoncimin e qytetarit dixhital.
Përshëndetje Dr. Desha të jap një info që këto mediat nuk po e japin. Jonaid Myziri ka qenë juristi i “Alko Impeks “të Arbër Abazit(nipi i Sadri Abazit). Nga aty ka shkuar drejtor i prokurorimeve. Arbër Abazi ka për grua mbesën e Belindës (vajzën e motrës së Belindës). Po të shikosh tenderat e “Alko Impeks”është e dukshme lidhja e fuqishme. Respekte dhe fitore
Discussion about this post