Kreu demokrat Sali Berisha përjashtoi çdo mundësi bashkëpunimi apo negociimi me Lulzim Bashën, të cilin e quajti një peng të Edi Ramës, për shkak të një dosjeje që e dënon nga 6 në 12 vite burg.
Në emisionin “Opinion”, Berisha tha se arsyeja që nuk negocion me Bashën është se ai është i marrë peng nga Edi Rama.
“Askush më parë, qoftë Genc Pollo, qoftë Arben Imami, me të cilët unë kam pasur përplasje, nuk ka qenë peng, ndaj dhe jemi ulur e kemi negociuar”, tha Berisha.
I pyetur se çfarë roli do të ketë Gazment Bardhi në PD e drejtuar Sali Berisha, ish-Kryeministri deklaroi se ai është kryetar i Grupit Parlamentar dhe në bazë të statutit do të jetë nënkryetar i partisë.
Discussion about this post