Kryetari i Partisë Demokratike, Sali Berisha, ka zbatuar sot masën e sigurisë së paraqitjes në SPAK, pas një vendimi antikushtetues dhe të drejtuar politikisht nga kryeministri Edi Rama.
Berisha deklaroi se procesi nis mbi një “bazë antiligjore”, pasi Jamarbër Malltezi nuk ka qenë kurrë funksionar publik me fuqi vendimmarrëse, sipas vendimeve të Gjykatës së Lartë. Ai kritikoi gjithashtu ligjin e ri, që përpiqet të përfshijë individë që më parë ishin të përjashtuar, duke krijuar një paradoks ligjor.
Berisha e cilësoi procesin ndaj Malltezit si jashtëligjor dhe e vuri në dukje se nuk ka bazë të qartë ligjore për nisjen e tij.
Ai i bëri thirrje qytetarëve të gjykojnë vetë mbi ligjshmërinë e procedurës dhe përputhshmërinë e saj me standardet e drejtësisë.
“Sot fillon procesi gjyqësor.
Gjykata e Lartë në një vendim të dytë shpall se për veprën e korrupsionit pasiv duhet detyrimisht që nëpunësi apo funksionari të jetë funksionar publik.
Dhe duhet detyrimisht që të kenë pasur fuqi vendimmarrëse.
Jamarbër Malltezi nuk ka qenë kurrë zyrtar apo funksionar publik, sepse ligji ka përjashtuar universitetet nga kjo kategori.
Dhe në ligjin e ri që po bëjnë, tani po përpiqen që t’i përfshijnë.
Por, po këta zotërinj, që tani në një vendim të muajit korrik, qartësojnë se nuk mund të ketë korrupsion pasiv në qoftë se personi nuk është zyrtar i lartë apo zyrtar jo i lartë se janë dy nene dhe që ka fuqi vendimmarrëse.
Tani gjykojeni vetë mbi ç’bazë fillon procesi sot.
Fillon mbi një bazë jashtëligjore“, u shpreh ai.
Discussion about this post