Ish kryeministri Sali Berisha ka dhënë një deklaratë për mediat para hyrjes në Kuvend duke shprehur mbështetjen e tij për qytetarët që kanë dalë në protestë kundër dhënies me koncension të parkut të Butrintit.
Berisha iu ka premtuar mbështetje teksa theksoi se kryeministri Edi Rama nuk mund të sillet me Butrintin si të ishte plaçkë e Kolekave.
“Shpërbërja e parkut kombëtar të Butrintit, park i cili është më i rrallë në kontinente, me pretekstin të një siti arkeologjik është abuzimi më i madh dhe i tmerrshëm është shpërdorimi që i bëhet pasurive kombëtare, vlerave të mëdha historike, kulturore, biodiversitetit të jashtëzakonshëm të asaj zone. “Mbrojtja e Butrintit imperativ për çdo shqiptar. E garantoj Edi Ramën se nuk mund të sillet me Butrintin si të ishte plaçkë e baballarëve, ajo është pronë e shqiptarëve”, tha Berisha.
Discussion about this post