Kryetari demokrat, Sali Berisha gjatë mbledhjes së kryesisë tha se do të shqyrtohen emrat, të cilët kanë shfaqur interes për të kandiduar për procesin e Primareve. Berisha theksoi se janë mbi 200 kandidatë, emra të njohur dhe me kontribut në fusha të ndryshme.
“Miratojmë kandidaturat në përputhje me statutin nga bashkitë e vendit, janë mbi 200 personalitet politike, të shoqërisë civile kanë aplikuar për të kandiduar për kryetar, për qytetarë të parë të bashkive tona. Këto janë personalitet të shquara të partisë, individë me CV suksesi dhe secili prej tyre, me besimin që ka shprehur, dëshmon vullnetin për të qenë mision i rikthimit të pluralizmit”, tha Berisha.
Lexo edhe: “E paimagjinueshme”, Berisha i bindur: Ja plani i Ramës për Durrësin
Sipas Berishës, me procesin e primareve, PD dëshmoi se është parti e garës dhe e vullnetit të lirë, ndryshe nga Partia Socialiste të cilën e cilësoi si “shpellë krimi” ku nuk votohet dhe nuk zgjidhet.
“Ne arritëm të tregojmë diferencën që na takon. Ne jemi dhe do jemi të përgjegjshëm para shqiptarëve, para demokratëve dhe të respektojmë plotësisht vullnetin e lirë të anëtarëve dhe simpatizantëve në primare dhe pastaj me qytetarët”, theksoi ai.
Discussion about this post