Ndërsa kryeministri Rama deri më tani ka heshtur për emrat e kabinetit të ri qeveritar, Sali Berisha flet me emra teksa shprehet se lufta më e madhe po bëhet për Ministrinë e Brendshme.
Në një konferencë për mediat, lideri i Partisë Demokratike deklaroi se kartelet e drogës po përplasen me njëri-tjetrin, për të zgjedhur njeriun e tyre në krye të kësaj Ministrie.
Berisha tha se grupi i Troplinëve dhe Ergys Agasin kërkojnë që në postin e ministrit të Brendshëm të emërohet drejtuesja aktuale e SHISH, Vlora Hyseni, duke hequr dorë nga Arkend Balla, ndërsa grupi tjetër është për Ani Dyrmishin.
Pjesë nga deklarata:
Komenti im është ky. Edi Rama i tmerruar nga krimet që ka kryer, nga farsa elektorale, nga damoskja tani me vetëkuptim, si anëtar i organizatës kriminale Sorosiane, është i aftë të marrë çdo vendim në verbëri.
Por ju garantoj ju, se opozita do të qëndrojë fuqishëm me dritën e transparencës. Pavarësisht nga përpjekjet e tij të dështuara, opozita do ti japë transparencën shqiptarëve.
Tani unë thashë se do më pyesje ti mua, se çfarë po zien në kartelet e drogës për emërimin e ministrave të Edi Ramës. Por kjo është kryesorja.
Priten përleshje të mëdha midis tyre, kush të marrë Ministrin e Brendshëm. Troplinët me Agasin janë për Vlora Hysenin. E keni marrë vesh besoj.
Të tjerë janë për atë Dyrmishin. Ata e lanë Arkend Ballën dhe duan Vlorën tani.
Këta të Elbasanit nuk heqin dorë nga Taulanti.
Tani, betejat po zhvillohen midis klaneve, karteleve të drogës. Mendoj se këto i interesojnë popullit më shumë. Prandaj dhe është detyrë që të ua themi.
Discussion about this post