Avokatët e ish-Kryeministrit Sali Berisha kanë kërkuar përjashtimin e gjyqtares Irena Gjoka, nga seanca e vlerësimit të masave të sigurisë, që SPAK ka paraqitur në GJKKO.
Kjo ishte arsyeja që ditën e sotme u shty zhvillimi i seancës, ndërsa vendimi mbi kërkesën për përjashtimin e gjyqtares Gjoka, do të shqyrtohet nga gjyqtarja Rudina Palloji.
Vendimi pritet të komunikohet para nisjes së seancës së caktuar që mbahet nesër në orën 11:00.
Avokatët e Berishës kërkuan përjashtimin e Irena Gjokës me argumentin se kishte konflikt interesi me arsyetimin se gjatë kohës kur klienti i tyre ishte President i Republikës dhe njëherazi kryetar i KLD, ka shkarkuar nga detyra gjyqtaren Gjoka. Shkarkimi i Gjokës ka ndodhur në vitin 1996.
Discussion about this post