Ish-kryeministri Sali Berisha në konferencën e sotme për media ka kërkuar dorëheqjen e ministrit Bledi Çuçi për rastin e vdekjes së të riut në komisariatin e Kavajës, Ilvi Meta.
Berisha theksoi se i riu vdiq në vendin që supozohet të jetë më i sigurti për jetën e dikujt dhe ende nuk dihet nëse ai gjeti vdekjen nga një ‘xhelat’ apo është vetëvrarë. Ai paralajmëroi se nesër do të ketë protestë, ku do të ndizen qirinj në shenjë solidarizimi për vdekjen e të riut.
“Ministri i familjes që në vend të merret me zbatimin e ligjit, është gardian i interesave kriminale të klanit Rama. Drejtori i Përgjithshëm i Policisë heshti sikur nuk ka ndodhur asgjë. Kjo është dhe më kriminale. Heshti në një kohë kur në një hark kohor 5-javor 2 të rinj u vdiqën në qelitë e komisariatit të policisë ku duhet të ishin më të sigurt. Duke dënuar këtë qëndrim çnjerëzor të drejtuesve të shtetit, kërkoj dorëheqjen e menjëhershme të ministrit Çuçi. Ndërkohë unë do t’i propozoj sot Komisionit të Rithemelimit nesër para të gjitha komisariateve të Shqipërisë në orën 8 të ndizen qirinj në një protestë të heshtur paqësore, stop vrasjeve në Komisariate.”, tha Berisha.
Discussion about this post