Lideri i Partisë Demokratike Sali Berisha ndodhet aktualisht në Shkodër. Së bashku me kryetarin e Bashkisë Bardh Spahia ai inspektoi terrenin për të parë situatën. Sipas Berishës, KESH ka bërë një krim, pasi nuk njoftoi që po hapte turbinat. Kjo ngjarje, shtoi ai, edhe mund të parandalohej.
“Nga mbrëmë deri para pak, kanë derdhur 2 mijë metra kub. 1400 a më shumë me turbina.
Prandaj kanë bërë këtë përmbytjet ata me këto shkarkime kriminale.
Kriminale se ishte e parandaluar.
Kur kanë kryer krimin, nuk kanë njoftuar kryetarin e Bashkisë, nuk ju kanë njoftuar juve.
Ata duhej të njoftonin disa orë përpara. Ata kanë hapur portat dhe turbinat dhe kanë përmbytur brenda gjysmë ore në mënyrë të rrufeshme zonën.
Në një kohë kur kryetari i Bashkisë që dje kërkoi që KESH të njoftonte për çdo lëvizje.
KESH duhej të njoftonte, ata e kanë detyrim që të njoftonin. E kanë detyrim ligjor.
Por ata donin të vidhnin me importin e energjinë. Donin të vidhnin 10 milionë euro në katër ditë” tha Berisha.
Discussion about this post