Kreu i Partisë Demokratike, Sali Berisha ka thirrur një takijm me ekspertë dhe gazetarë në lidhje me temën e sigurisë kombëtare.
Berisha u shpreeh kundër legalizimit të kanabisit në vend, ndërsa u ndal edhe tëk ndërtimet e shumta dhe rritja e çmimit të apartamenteve. Berisha tha gjithashtu se rendi dhe siguria janë viktimë e një politike të inkurajuar nga qeveria që ka raport të veçantë me krimin.
“Në raport me sigurinë kombëtare, të qytetarëve me rendin, jetën, në raport me veprimtarinë e policisë dhe organeve ligjzbatuese, ajo që ka pasur efektin më shkatërrimtar ka qenë dhe është droga. Jeni dëshmitarë se kjo qeveri erdhi me shenjën e drogës, me skaf. Nga të gjithë politikanët shqiptarë, njëri, i vetmi në atë kohë që kishte skaf dhe u emërua ministër. Në një akt shkatërrimtar për rendin goditën policinë kriminale që ishte përballur me sukses me bandat prej vitesh dhe hapën rrugë shndërrimit të Shqipërisë në Kolumbi apo Kanabistan”, tha Berisha.
Kryedemokrati gjithashtu theksoi se shqiptarët largohen nga vendi, pasi nuk kanë siguri për pronën dhe jetën.
“Analistë e media të huaja kanë deklaruar në mënyrë të përsëritur se në Shqipëri këto vite u ndërtua narko-shteti i parë dhe i vetëm në Evropë. Ishte me pasoja të rrezikshme për Shqipërinë politika e kanabizimit të saj. Ajo krijoi miliarda euro, me të cilat trafikantët shqiptarë u vërsulën të pushtojnë kartelënt e kokainës në Amerikën Latine. më kujtohet një shifër e autoriteteve italian 2012 , 12.6 kg kokainë nga Shqipëria. Raporti i grupit të Dublinit shprehu qartë se rruga e heroinës devijoi nga Maqedonia drejtë Serbisë. Ishte gabimi më i madh inkurajimi i kanabizimit të Shqipërisë. Do të jetë në interesin e çdo vendi që mendon të legalizojë kanabisin të studiojë Shqipërinë. Droga është krim. Asnjë komb nuk ka nevojë për të. Nuk po flas për efektet shëndetësore të saj, por me atë që bëhet armë e të fortëve, gjeneron krim çdo ditë, shkatërron ekonomi”, tha Berisha.
Discussion about this post