Ish-Kryeministri Sali Berisha u shpreh mesditën e sotme se klanet e narkotrafikut emëruan Taulant Ballën në postin e ministrit të Brendshëm.
Berisha tha se njeriu më i lidhur publikisht me klanet e drogës që dihen me dokumente, mori tani Ministrinë e Brendshme dhe imagjinoni, a ishte e qëllimshme apo jo, por kjo ishte plotësisht e qëllimshme. Janë ato klane që e emëruar atë ministër.
Deklaratat Berisha i bëri në një tryezë me ekspertë dhe gazetarë të fushës së ekonomisë, lidhur me zhvlerësimin e monedhës europiane Euro në raport me Lekun.
“Banka e Shqipërisë, unë e kuptoj, nuk ka fuqi që ti rezistojë narkoeuros, kjo është narkoeuro. Ajo është një xhuxh para këtij gjiganti kriminal, ky i karteleve. Banka e Shqipërisë e bëri provën, i nxori 20 mln asgjë nuk ndryshoi. Ishte si kafeja e mëngjesit. Por Banka e Shqipërisë duhet të jetë zëri më i fuqishëm në denoncimin e tyre sepse këtu po ndodh një katastrofë e vërtetë. Këta janë bërë vendimarrës me kryeministrin.
Ka disa faktorë që kanë ndërhyrë në këtë raport, por faktori përcaktues është faktori narkoeuro. Janë narkoeurot që kanë pushtuar, prandaj thotë ai, që kemi aq sa nuk e dimë. Ai e ka fjalën e kontenierëve me euro, e të garantoj se i kanë me kontejner, sepse një shtet e di sa para ka. Një shtet që ka libra dhe regjistra, i llogarit. Ka dhe të fjeturën që e ka të vështirë, por Shqipëria i ka me tonelata, me kontenier, dhe e di ai këtë, sepse i thonë ata, miqtë e tij”, tha Berisha.
Discussion about this post