Berisha konfirmon protestën e radhës: Ja kur do zhvillohet

Protesta e radhës kombëtare e opozitës do të zhvillohet në muajin Dhjetor.

Këtë e konfirmoi kryetari i PD-së Sali Berisha në një emision televiziv, në “Syri Tv”.

Berisha theksoi se beteja kryesore e PD-së është garantimi i votës së lirë.

“Shqiptarët do votojnë të lirë, nëse nuk ndodh ne nuk jemi më”, tha Berisha, i cili shprehu bindjen se Rama, të cilin e quajti armikun më të egër të votës së lirë, do të mundet në zgjedhje.

Kreu i PD-së i bëri apel qytetarët të vijojnë të protestojnë me qëllim garantimin e votës së lirë.

“Kemi ngritur një lëvizje që është misionare për të shpëtuar Shqipërinë. Kjo është betejë. Me një të rënë nuk rrëzohet lisi. Kjo e ka trondit. Unë e kam hallin te shqiptaret, të çlirohen nga frika”, tha Berisha.