Gjatë takimit në Durrës, ish-kryeministri Sali Berisha nuk i ka kursyer lavdet ndaj tij ku tha se rikthimin në politikën aktivë, ai e konsideroi njësoj si rikthimin e Steve Jobs. Berisha gjithashtu paralajmëroi Edi Ramën se do ta mundë në çdo garë që do të zhvillojnë. Nga Durrësi, ai u shpreh se kryeministri është i pashpresë, ndaj po merret me një opozitë kukull, pasi opozitën e vërtetë e ka frikë.
“Me Ipad ai ndryshoi botën- tha Berisha- ndërsa së bashku do ndryshojmë Shqipërinë. Del e thotë më thoni kriminel mua, më thoni ca të doni po mos më thoni hajdut se jam dy metra i gjatë dhe nuk vjedh. Kjo është garancia që u jep Rama. Meqë jam unë dy metra i gjatë nuk mund të vjedh. Nuk është fjala për hajdutë xhepi, por është fjala për hajdut me kamion. Jemi një moment kritike, por unë jam besimplotë dhe unë ju shof ju dhe shof shqiptarë të vendosur. Mos harroni se jemi 40 mijë në këmbë. Kaluam të gjitha këto vështirësi, të tjerat nuk janë të pakta, por të kalueshme. Edi Rama tallet, ka gjetur një kukull opozitë që merret me ta, por shpirtin nuk e ka më të qetë. Vendi ka opozitë të vërtetë tani” – tha Berisha.
Berisha gjithashtu tha se PD e vërtetë dhe në këmbë e ka mundur tre herë dhe do të mundë në çdo garë.
“Më duhet ti them, PD e vërtetë dhe në këmbë të ka mundur tre herë dhe do të mundë në çdo garë, je i pashpresë, ta ketë të qartë. Flet për rikthimin, fut ata të vetët nëpër mediat dhe televizioni, ja si kthimi i Napolonit, si kthimi i këtij apo i atij. Tani po i them, kthimi im është kthimi i Steve Jobs. Harroje! Ata që menduan se pasi një seri pabesirash qëndrimesh nga më disluajalet e nxorën në rrugë dhe u kthye, dhe me Ipadin, Iphonin ndryshoi botën, ne së bashku do ndryshojmë Shqipërinë”, tha Berisha.
Discussion about this post