Lideri i Partisë Demokratike, Sali Berisha ka përkujtuar sot 2 korrikun e 1990-s, kur mijëra të rinj, punëtorë dhe intelektualë e të persekutuar shqiptarë, shembën ‘Murin e Berlinit’ dhe u hapën ambasadat.
Përmes një postimi në rrjetin social Facebook, Berisha ka thënë se Kryengritja paqësore goditi rëndë dhe bëri të pashpresë diktaturën komuniste në Tiranë.
“Sot 32 vjetori i kryengritjes se 2 korrikut 1990! Te dashur miq, ne historinë e qëndresës së shqiptareve kundër diktaturës staliniste me jetëgjatë në Europë dhe lirisë se tyre, është një ditë e shënuar. Me datën 2 Korrik te vitit 1990 mijëra te rinj, punëtore por edhe intelektuale e te persekutuar te Tiranës u ngritën dhe me një guxim epik shembën në Tiranë Tirane murin e Berlinit, hynë në oborrin e ambasadës gjermane dhe ambasadave te tjera dhe plagosen për vdekje diktaturën e fundit staliniste ne Europë e përmbysen edhe në Shqipëri Murin e Berlinit.
Por mjerisht qytetarët e Tiranës dhe inteligjenca e saj u gjeten në bisht të kohës. Ata nuk guxuan të mbështesin kryengritjen epike të guximtarëve të kombit, nuk mbushen rrugët dhe sheshet e Tiranës për të përmbysur si në vendet e tjera ish komuniste diktaturën hoxhiste në Shqipëri.
Me gjithë këtë e pavarësisht nga kjo, Kryengritja paqësore e 2 korrikut 1990 goditi rëndë dhe bëri të pashpresë diktaturën komuniste ne Tirane.
Ajo me jehonën e saj te jashtëzakonshme dëshmoi se Shqipëria socialiste nuk ishte dhe nuk do mbetej shkëmb graniti i socializmit ne Europë, apo Kuba e Adriatikut dhe se diktatura komuniste ne këtë vend kishte hyre ne agoninë e saj.
Ndaj dhe sot le të përulemi ne me mirënjohje të thellë dhe nderim të madh para te gjithë atyre djemve dhe vajzave te pamposhtur e guximtare qe përmbysen me 2 korrik te vitit 1990 murin e Berlinit ne segmentin me te larte, me te zi te tij, ne Tiranë. Mirënjohja jone ketë dite shkon edhe për ambasadorin e RFGJ Ëerner Daum dhe koleget e tij për mbështetjen e tyre te fuqishme për kryengritësit e 2 korrikut dhe popullin e shtypur shqiptar
Nderim i veçante për martirin e kësaj kryengritje, te riun 15 vjeçar Artim Basha qe ra për të mbetur i pavdekshëm në altarin e lirisë së shqiptarëve”, ka shkruajtur Berisha.
Discussion about this post