Ish-kryeministri Sali Berisha, në një reagim në rrjetin e tij social Facebook, ka sjellë në vëmendje luftën e vazhdueshme të zjarrfikësve me zjarret. Puna e tyre bëhet përherë edhe më e vështirë, teksa përballen me mungesën e mjeteve dhe infrastrukturës. Ata vijojnë të shuajnë zjarret me mjete rrethanore, me shkopinj dhe çanta shpine, dhe kur avionë për shuarjen e zjarreve nuk ekzistojnë fare në këtë shërbim.
“Luftë me zjarrin si në mesjetë! Zjarrfikëset në tako! Aeroplani (Ismaili) është për ndenjëset e Ramës! Turp dhe krim!”, shkruan ironikisht Berisha.
Dhe situata bëhet më e vështirë, kur kujtojmë se masivet pyjore të Peshtanit dhe Kreshpanit në Fier edhe mëngjesin e kësaj të mërkure vijojnë të jenë në pushtetin e flakëve.
Një vatër e cila ka qëndruar aktive përgjatë gjithë natës së mbrëmshme, ka marrë përhapje më të gjerë duke rrezikuar edhe banesat në Kraps, por falë ndërhyrjes së shpejtë të mjeteve zjarrfikëse është neutralizuar.
Era favorizon përhapjen e flakëve dhe riaktivizimin e vatrave të zjarrit.
Discussion about this post