Berisha: Mafia e Soros do të marrë përgjigjen e merituar, betejë pa kthim

Ish-Kryeministri Sali Berisha deklaroi pasditen e sotme se mafia ndërkombëtare e George Soros do të marrë përgjigjen e merituar.

Berisha bëri përgjegjës pikërisht politikat e Sorosit, që janë aplikuar në Shqipëri nga Edi Rama, për shpopullimin e vendit, varfërimin e shqiptarëve dhe mbajtjen në pushtet të Edi Ramës.

“Kur vritesh nga shteti dhe krimi fshihet, kur vidhesh në mënyrë të tmerrshme nga qeveritarët dhe vjedhjet nuk ndëshkohet.

Kur drejtësia kontrollohet tërësisht nga bota e krimit, ryshfetit dhe Edi Rama. Kur vota jote nuk ka asnjë vlerë sepse Edi Rama rotacionin nuk pranon.

Të mbetet vetëm një rrugë, betejë pa kthim, o sot o kurrë, të përmbysim këtë diktaturë, të krijojmë qeveri teknike, të ecim drejt zgjedhjeve të lira dhe të ndershme.

Të marrim në dorë fatin tonë, të mos lejojmë më të shkelmohet fati dhe e ardhmja jonë nga armiqtë e egër të saj, nga ata të cilët vjedhin dhe varfërojnë çdo ditë shqiptarët.

Nga ata të cilët krijojnë kushtet për largimin e tyre nga Shqipëria.

Nga mafia e urryer ndërkombëtare, çnjerëzore që iu vërsul, e Xhorxh Sorosit, McGonigalit, korruptorëve të tjerë, që iu vërsul në një barbari kundër opozitës shqiptare për të lënë Shqipërinë pa opozitë, për të vrarë shpresën e shqiptarëve, për të mbajtur në pushtet kryekryeminelin, kryehajdutin që shqiptarët kanë pasur në të gjitha kohërat, Edi Ramën.

Le t’i japim ne përgjigjen e merituar, o sot o kurrë, në betejë pa kthim”, tha Berisha.