Ish-kryeministri Sali Berisha ka zhvilluar ditën e diel “Foltoren” e radhës në Tepelenë, ku që në nisje të fjalës së tij i bëri thirrje demokratëve për bashkim, pas zhvillimeve të fundit në PD.
Berisha iu bëri thirrje demokratëve që të bashkohen për t’i bërë ballë një regjimi, që është nga më të egrit në Europë sipas tij, referuar këtu qeverisë Rama.
“Ju falënderoj për këtë pritje të zjarrtë por mbi të gjitha për këtë frymë bashkimi që demonstroni në këtë foltore i cili është mesazhi më i rëndësishëm që ju dërgoni ju sot demokratëve shqiptarë kudo që janë. Sot PD siç ka nevojë zogu për ajrin ka nevojë për bashkimin e saj. Ka nevojë që çdo anëtar çdo mbështetës të lere mënjanë çdo zemër thyerje të mobilizojmë energjitë tona për një betejë të rëndësishme që na pret përpara, betejën me regjimin më të rrezikshëm, që bazon veprimtarinë e tij në vjedhjen dhe krimin. Regjimin në të cilin kriza po e nxjerr para shqiptarëve se çfarë fatkeqësia është për ta. Ndërkohë që nafta në Ukrainën që lufton është 1 euro më e lirë sesa në Shqipërinë që është mijëra kilometra nga lufta”, deklaroi Berisha.
Ndër të tjera, Berisha tha para demokratëve se sot kriza energjetike në Shqipëri nuk lidhet me luftën në Ukrainë, por me vjedhjet dhe keqmenaxhimin e bërë nga qeveria.
Discussion about this post