Kreu demokrat Sali Berisha do të mbledhë Kryesinë e partisë, ditën e martë, më 1 Gusht.
Njoftimi është bërë nga deputeti Flamur Noka, i cili mban funksionin e Sekretarit të Përgjithshëm në PD-në e drejtuar nga Berisha.
Noka ka njoftuar anëtarët e Kryesisë për këtë mbledhje, e cila është parashikuar që të nisë në orën 12:30 në seli e PD-së.
Burime bëjnë me dije se në mbledhjen e Kryesisë do të bëhet një analizë e procesit zgjedhor të 14 majit.
Gjithashtu pritet të analizohen zhvillimet më të fundit në rradhët e demokratëve, por do të diskutohet edhe mbi aksionet e pritshme opozitare me nisjen e sesionit të ri parlamentar.
Discussion about this post